ماذا بعد؟؟؟؟؟؟؟؟؟؟؟
و الشركة لاتحتوي على مصلحة لل HSE يعني انت هو المسؤول الأول للامن و الوقاية و البيئة
اليك الخطوات الأولى المختصرة من خلال التالي
1.
عرّف
الخدامة على روحك و على دومانك دور فl'atelier احكي
معاهم اعرف اساميهم و خدمتهم اربح الخدام قبل ماتربح المسؤول
2. اعرف شكون المسؤول تاعك عادة يكون مدير المصنع في حد ذاتو و باقي المسؤولين يعتبرون زملاء ماش مسؤولين عليك، افرض نفسك بالقدر
3. اعرف كل العمليات اللي يقوم بيها المصنع كل صغيرة و كبيرة من قطع، تغليف، شحن، تخزين، نقل و طبق JSA job safety analysis لكل عملية
4. . دير ارشيف سجل فيه كل صغيرة و كبيرة، daily meeting,
5.
training
sessions,
6.
رخص
العمل (اخدم les
permis de travail و افرض الاستعمال تاعهم)، دير سجل المركبات journey plan و تواريخ
انتهاء صلاحية التأمين و المراقبة التقنية.
7. دير مخطط الطوارئ و الإخلاء و علقو partout، روح للسبيطار و الحماية المدنية و الشرطة ولا الدرك جيب أرقام الهاتف و الفاكس تاعهم
8. افرض الفحص الطبي الدوري للعمال كل 6 اشهر، سواء عند اخصائي طب العمل ولا المستشفى و دير أرشيف
9. . حدد نقاط التجمع في حالة حريق و كونطرولي أجهزة الإنذار لازم يكون عندك على الأقل 3 (2 كهرباء و 1 يدوي) standby تاستيهم و روح لأبعد نقطة فالمصنع و شوف لاكان تسمعهم ولا لا
10. . دير دورة حول المصنع و اعرف شحال عدد السكان المجاورين للمصنع بالتقريب و حدد أي خطر يقدر يتعرضلو المصنع من تخريب، سرقة، ... أو يتعرضولو السكان من تلوث، ضجيج، circulation ... الخ.
11. . اخدم تقارير أسبوعية و شهرية تحط فيها كل التفاصيل من عدد ساعات العمل، عدد العمال، الحوادث المهنية، الحصص التديريبية اللي درتها للعمال وابعتها لمدير المصنع حتى لو ماطلبهمش منك.
12. . كونطرولي les extincteurs و التواريخ تاعهم و les boites de secourisme, مكان تجميع النفايات الصناعية، ...
13. . اكسب الناس اكسب الناس اكسب الناس اللي يخدمو معاك، hse ماشي دومان تع التشوكير على الغاشي إذا حبوك العمال يسهلولك خدمتك و تدير نتائج ملاح ترجع بالفايدة عليك قبلهم و إذا كرهوك يزكرولك و ما يسمعلك لا خدام لا مسؤول و تولي حاجة زايدة أو ممقوتة بيناتهم.
الخطوات هادي كلها تاخد على الأقل شهر خدمة اخدم في غرضك بعد الشهر الأول يصير العمل روتيني.
ربي يسهلكم
Commentaires